Shillong, Iaiong 13: Ka Shad Suk Mynsiem kaba shisien shisnem jong ka Seng Khasi ha Madan Weiking kala sdang mynta ka sngi bad kan kut ha ka 15 tarik mynta u bnai la sngi nyngkong. Ia kane ka sngi sdang la tip ruh kum ka sngi noh kjat.
Ha kane ka sngi ki thei bad ki rang samla kiba dang don ha ka niam tynrai na kylleng kane ka sor Shillong kila wan ban ia shim bynta ha kane ka jingshad ban ai nguh ia u trai nongbuh nongthaw.
Ha kane ka sngi ki nongialam jong ka Seng Khasi Mawkhar kila ia don lang ha kane ka sngi ban sdang ia kane ka Shad Suk Mynsiem, kaba la pynneh mynsah ia kaei kaba ki long shuwa kila ai pateng ia kane ka kolshor jong u khun khasi khara.
