Shillong, Nailar 23: Ka Deputy Commissioner jong ka East Khasi Hills District kala pynmih ia ka hukum ba la shah ban plie biang ia ki dukan kiba la khangress ha kine ki sngi ha ki karto katne ki bynta ha nongbah Shillong.
Ha ka jingpynmih hukum mynta ka sngi ia ki dukan ha Laitumkhrah kiba dei na Police point haduh Mohanson, s Dry cleaner ia kiba la khang ha kine ki sngi la shah ban plie biang.
Ha ka jingpynbna mynta ka sngi la shah ruh ban plie ia ki dukan ha GS Road na Shani Mandir sha Bimola Point.
Ia ki dukan kiba don naduh Khyndailad shaduh Umsohsun kiba la khang ha kine ki sngi la shah ban plie biang.
Ia ki dukan kiba Don na Motphran sha Bimola bad na Motphran sha Jaka ieng kali jong ka MUDA ha Garikhana la shah ban plie biang.
Ka Deputy Commissioner ha ka jingpynmih hukum ba la shah ban plie biang la buh ruh Ia ki kyndon ba ki dukan ki hap ban bud, baroh ki dukan ki hap ban peit ba ka jingpynia jngai iwei na iwei ka dei ban long 6 phut, ki dei ban denge Ia ki Mask bad dei ban pyndon kam ia ki jingsait kti ki sanitizer.
Na ka liang jong ka Deputy Commissioner kala buh ruh ia ka jingmaham ba lada shem ba Don kiba pynkhein ia kitei ki kyndon yn khang biang khlem buh por.
