Shillong, Iaiong 25: Mynta ka sngi u Chief Secretary jong ka jylla u MS Rao u la dang pynbna shuh shuh ia ki dukan ban dang plie katkum ka jingbthah jong ka tnad kam poh iing ka sorkar pdeng kaba la pynmih ha ka 23 tarik bad 15 tarik mynta u bnai hapoh ka jylla Meghalaya laitnoh ha East Khasi Hills District naduh ka 27 tarik mynta u bnai.
Ha kane ka jignpynmih hukum mynta ka sngi u Chief Secretary u la bthah shai kdar ba ki Deputy Commissioner kin hap ban buh ia ka por plie bad ka por ban khang bad dei ban pynthikna ban bud ia ki kyndon kiba la buh khamtam eh ka jingpynia jngai iwei na iwei.
Baroh ki Deputy Commissioner, lait noh ka Deputy Commissioner jong ka East Khasi Hills District, la shah ban plie ia ki dukan die mobile, sha mobile, dukan thep kard bad ki dukan komputer da kaba bud ia ki kyndon bala bthah.
Ki nongtrei ha dukan ki dei duna, ki nongtrei ki dei ban deng ia ka mask bad ka dei ban don ka sanitizer hapoh dukan, ki trai dukan kim dei ban shah ban ia lum briew hapoh ki dukan jong kid a lei lei ruh em.
