Shillong, Nailar 22: U President ka Local Truck Association u bah Egenstar Kurkalang la pyntip ba ka sorkar kala shah ban tihmaw, Shyiap, katba ka sorkar kan dang pynkhreh ban wanrah ia ka jingpynkylla ha kaba ia dei bad ka Meghalaya Minor Minerals Concession Rule (MMMCR).
Haba kren ha ki lat pathai khubor mynta ka sngi la ong ba u myntri rangbah ka jylla u Conrad K Sangma u la khot ia ka jingiakren bad ka seng mynta ka sngi ha kaba kala don ka jingiakren kaba sani bha ha iing sah jong u halor kane ka jingshah khang tih maw tih syiap.
Ha kane ka jingiakren u myntri rangbah ka jylla u ba la bat hi ia ka tand khlaw bad tnad marpoh khyndew, u la kular ba ka sorkar kan sa wanrah ia ka jingpynkylla ia ka MMMCR ban ialad ia kiba tihmaw tih syiap da kaba rim khlemd a pyndon kam mashin, ha ka juh ka por ka sorkar kan wanrah ia ka jingpynkylla ia k MMMCR.
Ha ka ne ka jingiakren kum ka seng kala ban jur ba don kam ban ia da ia ka mariang, ha ka juh ka por ki paidbah kim dei ban duh ia ka bylla ka sngi, ha kane ka jingiakren la shah ban tihmaw tih shyiap tang ba kam dei ban long ha ki tyllong um ne ki kner surok ban pynjot ia ka surok.
Ha ka jingiakren bad u myntri rangbah la kren shai ba don kam ban pynrung ha kano kano ka rukom ba yn nym khang lat ban tih maw tih shyiap ia kiba kiba tih tang sa u lyngka bad mohkhiew khlem da pyndon kam ia ki kor ki mashin katkum kane ka juk kaba mynta.
Ha kane ka sngi la ia kren ba ia kito kiba kit tang hapoh ka District ym dei ban pan shallan kiba ai da ki trai kwari, ka shallan kan trei kam tang ia kito kiba kit sha Bangladesha bad sha bar jong ka jylla ne sha bar jong ka District.
U bah Egenstar u la ai khublei kyrpang ia u bah Banteidor Lyngdoh MLA bala ia don lang ha kane ka jingiakren bad u myntri rangbah ka jylla bad ia u bah Sanbor Shullai wat la um don lang hynrei u la pynkren ia kane ka jingeh jong kiba trei par paw kiba rit kaba kim lah ban shim ia ka Shallan kawri ne ban wai par.
