Shillong, Lber 24: U myntri ba dei peit ia ki kam bor ding u Abu Taher Mondal haba jubab ia ka jingkylli jong u bah Ardent M Basaiawmoit halor ka jingshngian ka jingkieng dam ha Umiam la ong ba ka tnad ka kit ka bah jong ka sorkar jylla kala pynmih ia ka hukum ba la shah ia ki kali ban iaid tang ia kito kiba kit hapoh ka 20 MT.
U myntri ba dei peit ia ki kam bording la iathuh ba la jurip ia kane ka jingkieng ar sien da ka “Centre Power water research station” bad na ka liang jong ka MeECL kala maramot ruh ia katei ka jingkieng ba kan skhem ka jingkieng.
Ka sorkar ruh ka sngewthuh ia kane ka jingeh dei na kata ka daw ka sorkar kala wat jaka ban shna jingkieng na shawei dei halor kane ka nongrim bala phah ban pynkreh ia ka “Detail Report Project” ban shna ia kawei pat pat ka jingkieng,
Haba ia dei bad kane ka sorkar ka dang ap ia ka kaiphot na ka “Geological Survey ka Ri India” ban tip la kan biang ne em bad ka kaiphot ka ong ban don ia ka jingkieng ha jan katei ka dam kan nym long bad la ai jingmut ban wat noh da kawei ka lynti ban shna ia ka jingkieng.
Halor katei ka jingai jingmut ka tnad shna surok jong ka sorkar jylla bad kum juh jong ka National Highway jong ka sorkar pdeng kila pyrshang ban ioh da kawei pat ka surok ban pynlait bad kiar na katei ka jaka bad kat kum ka kyndon jong ka NHAI kane ka surok kala dei ban ioh ia ka surok ban iaid saw tylli ki kali bad mynta ka dang sdang ka jingpynkhreh.
Halor ka jingai jingmut jong u bah Ardent ban buh ia ki CCTV kamera ha katei ka jingkieng naka liang jong u myntri la ong ba ia kata kim dang hap ban bishar bniah, la iathuh ruh ba ka por jingim jong katei ka jingkieng kala dep kut dei na kane ka daw bala bha ia kane ka jingkieng dang lah ban pynneh ia ka.
