Shillong, Lber 05: Ka jingpynsmai ia ki 59 ngut ki MLA kiba la shah jied thymmai ha ki paidbah ha kane ka elekshon 2023 kan long la shai ka sngi ha iing dorbar thawain ka jylla ia kaba yn sa pynsmai ia ki da u Pro-tem Speaker u Timothy D Shira.
Ha kane ka iing dorbar kaba khatwei jong ka jylla ki MLA kiba rim kiba la shah jied biang ha ki paidbah na ki 60 ngut ki MLA barim kiba la shah jied biang ki long 37 ngut bad kiba shah jied thymmai ki don 23 ngut.
Ha kane ka iing dorbar kaba mynta ki don lai ngut ki kynthei, ka Santa Mary Shylla na ka party NPP na Saipung Sutnga, ka kong Dr. Mazel Ampareen Lyngdoh jong ka NPP na East Shillong, ka Miani D Shira jong ka All India Trinamool Congress na Amapti.
