Shillong, Naitung 22: Pramod Boro CEM ka Bodo Land Territorial Council bad u Chairman ka Tripura Tribal Areas Autonomous District Council Mr. Pradyut Bikram Kishore Debbarman na ka bynta ki Autnomous District Council jong ka thain Shatei Lammih ngi la pynlong haduh ka sngi Saitjain ia kaba la pynkut mynta ka sngi ha Nongbah Delhi.
Ha kane ka jingialang kaba ar sngi kila shim ia ka rai ban ia kynduh ia u myntri kam poh iing u Amit Shah ban ia kren halor ka 125th Amendment ia ka Sixth Schedule, bad halor kane u myntri kam poh iing ka sorkar pdeng u la khot ban ia kren la shai ka sngi.
Ha kane ka jingialang la jied ia u CEM jong ka KHADC u bah pyniaid Sing Syiem kum u nongkhot ia ka jingialang jong ki khlieh ki Autonomous District Council kiba don 10 tylli ki ADC ha kane ka thain shatei lam mih ngi ka Ri India, nangne sha khmat u hap ban khot ia kum kine ki jingalang haduh ban da pynbeit da kumwei pat.
Ha kane ka jingiakren kila ia mir jingmut ban kyntu ia ka sorka pdeng ba kin wan rah noh ha kane ka sien shong dorbar kaba la sdang mynta ka sngi hapoh Parliament, ha kaba kila ia kren shibun ki mat, kumba ka long mynta ha Meghalaya ki don 3 tylli ki ADCs, lai tylli ha Mizoram, lai tylli ha Assam bad kawei ka Tripura.
Ha dien ba la ia shong la sngewthuh ba kine ki don la ka jong ka jong ka jingeh, khamtam ban wan rah ia ki kyndon ban ia da kham bha ia ki riewlum hapoh ka North East.
Ha ha kane ka jingialang la shim ia ka rai ban pynlong ha u Nailar ha Shillong bad la shai ka sngi kin ai ia ka Dorkhas sha u myntri kam poh iing haba ia dei bad ka jingdon kam jong ki AdCs. Na ka KHADC yn don u bah Fantine Jospeh Lakadong, bah Balajied Rani ki EM bad u nongialam ka liang pyrshah u bah Titosstarwell Chyne.
