Shillong, Risaw 07: U Myntri rangbah ka jylla u Conrad K Sangma yn sa leit ban jngoh ia ki jaka kiba la shah ktah eh ha ka jinglynshop ka mariang ha ki thian Dalu bad ki bynta ba mar kan kum ka Atisia Songmong la shai ka sngi.
U Myntri rangbah ka jylla yn sa leit ban jngoh ia kiba ha iing jong kito kiba la khlad ha kane ka jinglynshop ka mariang ha West Garo Hills bad South Garo Hills District, ha kane ka jingleit yn leit ban jngoh ruh ia ki jaka sah jong ki briew ha ki jaka bala buh da ka sorkar.
U Myntri Rangbah ka jylla un sa lum ia ka jingialang jong ki heh sorkar kiba dei na ki District ban sngewthuh ia ka jingduh na kane ka jingpynjot ka mariang ha kaba ia dei bad ki jingdon jingem ka rep ka riang bad kiwei ki jingduh ki jingdon jingem.
U myntri rangbah ka jylla la dep ban bthah ia ki bor jong ki District ba kin ai noh ia ka jingiarap sha kito ki long iing kiba la mat ia ka jingduh ki mynsiem briew na ka iing ka sem ka jong ki bad ka jingiarap kam dei ban pynslem.
U myntri rangbah ka jylla u phah ia ka jingsngewlem sha kiba ha iing ha sem jong ki b khlad baroh bad na ka liang jong ka sorkar ka kular ban ai ia ki jingiarap baroh kiba la shah ktah ha kane ka jingpynjot ka mariang.
