Shillong, Nailar 29: Ka Hill Farmer Union (HFU)ha dien baka la ioh ki jingujor na ki paidbah jong ka West bad South West Khasi Hills District halor ka jinghiar dor palat jong u biskot. Ka seng ka la wad ia ki lad ki lynti na ka bynta ban kyntiew ia ka dor jong u tei u marrep.
Hynrei kumba ka long mynta ka dor jong u biskot ka la nanghiar dor shuh shuh nalor ka jingshah ot kilo be-ain bad kane ka jinghiar dor ka long ruh ia kiwei ki mar kum u sohsaw kiba pynmih naka thain west khasi hills District .
Haba ia dei bad kane ka seng kala shim ia ka rai kaba kyrkieh ban pynlong ka jingialang paidbah haka sngi iew Mairang kata la shai ka sngi Por 02:00 baje noh phai sngi ha phyllaw jong ka Dorbar Hall Tirot Sing Syiem ha Pyndemumiong.
Kumta na ka liang ka seng ka la kyrpad ia baroh ki dkhot bad kum juh ruh ka Seng ka khot bad wer ia baroh ki nongrep na ki shnong bad ki thain bapher bapher ba phin ia wan poi khnang khnang bad ban snoh kti lem bad ngi ka seng ha katei ka ngi khnang ba ngi lah ban iatai ia kine ki jingeh ba ngi ia kynduh na ka por sha ka por.
Ka Seng ka la buh iaki ne ki mat ba kongsan ha khmat eh ban iatai ha katei k sngi ki long ban dawa ban pynduh noh iaka jingot kilo be ain ia ki mar rep jong ki nongrep, halor ka jinghiar dor palat u sohsaw, ka jinghiar dor jong u biskot lem bad ki wei ki wei pat. Kane ka long katkum ka kyrwoh kaba la phah da u General Secretary ka seng u Bah Allfondbirth Kharyntiew.
