New Delhi, Nailur 11: U Myntri Rangbahduh ka ri, u Narendra Modi yn aiti sha ka ri ia 03 tylli ki projek kiba kongsan kiba iadei bad ka tnat pynmih umphniang ha Bihar ha ka 13 tarik u Nailur lyngba ka video conferencing.
Kine ki 03 tylli ki projek ki kynthup ia ka bynta jong ka Durgapur-Banka kaba long ka bynta jong ka Paradip-Haldia-Durgapur Pipeline Augmentation Project bad ar tyli ki LPG Bottling Plant.
Ia kine ki projek la pyntreikam da ka IndianOil bad HPCL, kiba dei ki PSU kiba hap hapoh ka jingkhmih jong ka tnat Petroleum bad Natural Gas. U Myntri Rangbah ka Bihar, u Nitish Kumar un iadon ryngkat ha kane ka sngi.
Ka Durgapur-Banka Pipeline Project, Ka bynta jong ka Durgapur-Banka pipeline kaba la pyntrei da ka Indian Oil, ka long ka bynta jong ka Paradip-Haldia-Durgapur Pipeline Augmentation Project, ha kaba la buh ia u maw nongrim da u Myntri Rangbahduh ka ri ha ka 17 tarik u Rymphang, 2019.
“Ka Durgapur-Banka projek ka dei kaba la pyniar ia ka projek kaba 679 Km Paradip-Haldia-Durgapur LPG pipeline kaba la don lypa ban pyniasoh ia ka LPG bottling plant bathymmai ia ka Banka ha Bihar. Kane ka pipeline kaba 14” diameter ka iaid lyngba ki lai tylli ki jylla kiba kynthup ia ka West Bengal (60 km), Jharkhand (98 km), bad Bihar (35 km).
Kumba long mynta, ka jingpyniaid ia ki LPG yn lah ban iaid lyngba napoh ka Paradip Refinery, Haldia Refinery, bad IPPL Haldia. Hadien ba la pyndep ia kane ka projek, ka LPG injection kan treikam ruh lyngba ka Paradip Import terminal bad ka Barauni refinery.
Ka jingsiang ia ki pipe ha ka bynta jong ka Durgapur-Banka Section ka donkam ban iaid lyngba shibun ki jaka lum bad ki wah. Ki don 154 tylli ki jaka kiba hap ban lyngba ki jingkieng kynghup ia 13 tylli ki wah (kawei na ki ka dei ka wah Ajay river kaba ka jingiar long kumba 1077 mitar), 05 tylli ki national highways bad 03 tylli ki lynti rel. Ia kine ki pipe la siang lyngba ki rud wah lyngba ka Horizontal Directional Drilling khlem da pynthut ia ka jingiaid lynti ka um.
Ka LPG Bottling Plant ha Banka, Bihar, Ka Indian Oil’s LPG Bottling Plant ha Banka kan kyntiew ia ka ‘AtmaNirbharta’ jong ka Bihar halor yn lah ban pyndap ia ka jingdawa ia ki tyndong shet jingshet (LPG).
Kane ka bottling plant bad la pyntrei ia kane ha ka jingpynlut kaba T. 131.75 klur na ka bynta ban shakri ia ki Bhagalpur, Banka, Jamui, Araria, Kishanganj&Katihar ha Bihar, ha ryngkat ki distrik jong ka Godda, Deoghar, Dumka, Sahibganj, bad Pakur ha Jharkhand. Lyngba ka jaka pyndap ia ka LPG kaba 1800 MTs bad ka bottling kaba la pyndap ia 40,000 ki tyndong shet jingshet ha ka sngi, kane ka bottling plant ka lah ban iarap ai kam ai jam ia ki nongshong shnong ka Bihar.
LPG Plant at Champaran(Harsidhi), Bihar, Ka HPCL’s 120 TMTPA LPG Bottling Plant kaba la thaw hapoh ka Harsidhi in East Champaran district ha ka jinglut kaba T. 136.4 klur. La pyntrei ia kane ka bottling ha ka jaka kaba heh haduh 29 akar bad ia u maw nongrim la buh da u Myntri Rangbahduh ka ri da u Myntri Rangbahduh ka ri h aka 10 tarik u Iaiong, 2018.
Kane ka bottling plant kan ai jingshakri ia ki jingondkam ia ki tyndong shet jingshet (LPG) ha East Champaran, West Champaran, Muzaffarpur, Siwan, Gopalganj& Sitamarhi district ha Bihar.
