Shillong, Jymmang 22: Ka jingniew boot ha kane ka MP ilekshon 2019 kan long la shai ka sngi ha baroh kawei ka Ri India bad kum juh ha kane ka jylla Meghalaya kaba don ar tylli ki MP Konstitwensi.
La shai ka sngi yn tip iano ki paidbah na Meghalaya kin phah kum ki MP sha Lok Sabha ka dorbar bah jong ka Ri India ba kin long ki nongmih khmat. Ki kyrtong na ka 1-Shillong Parliamentary Konstitwensi ki don 7 ngut bad na ka 2-Tura Konstitwensi ki don 3 ngut.
Wat la ki lad pathai khubor kila iathuh lupa iaka jingjop jingrem jong ki party hynrei ka jubab kaba shai kdar kan long la shai ka sngi ha kaba yn niew ia ki boot kaba ki paidbah kila dep ban pyndep ia ka kam jong ki kum ki nongthep boot.
Kumba ka paw ka jingiakhun ha Shillong Seat ka long hapdeng u kyrtong ka Congress u Bah Vincent H Pala bad u Dr Jemino Mawthoh jong ka UDP bad ha Tura kan long ha pdeng ka Agatha K Sangma jong ka NPP bad u Dr Mukul Sangma jong ka Congress.
