Shillong, Nailar 12: Mynta ka sngi ka Meghalaya State Legal Services Authority (MSLSA) kala pynlong ia ka Lok Adalat ban bishar ia ka bai bam ki tynmen ha High Court of Meghalaya, Shillong.
La pynlong ia kane ka jingshim bishar hapoh ka jingpeit jong u nognbishar ba rangbah u Justice Sanjib Banerjee, Chief Justice, High Court ka Meghalaya bad u nongkyrshan ba ha khamt u Justice H.S. Thangkhiew, nongbishar ka High Court ka Meghalaya bad Executive Chairman, MSLSA bad u E. Kharumnuid, MHJS, Registrar General, High Court ka Meghalaya bad ki dkhot ka MSLSA.
Ha kane ka sngi baroh ki mukotduma ki don 276 tylli bad na kine 83 tylli la lah ban pynbeit ha kaba ia dei bad ka baibam tynmen, kane ka long ba kiba bun ki tnad sorkar hakane ka sngi.
Ha kane ka sngi u nongbishar Justice W. Diengdoh, nongbisahr ka High Court ka Meghalaya bad u shongknor HCLSC la don lang. Kiwei ki nongbishar na ki Dsitrict, Shillong, Jowai, Nongpoh, Nongstoin, Mawkyrwat ki nongbishar na ka East Khasi Hills District, Shillong kila ia don lang.
Kiwei kiba la don ki long u T.T.M. Sangma, MJS, u ophisar ba la buh kyrpang sha ka MSLSA, u bah S. Lyngdoh, Assistant Secretary, MSLSA bad ki nongtrei ka Meghalaya State Legal Services Authority kila ia don lang.
