Shillong, Lber 06: Mynta ka sngi Pro-tem Speaker jong ka iing dorbar thawain ka jylla u Timothy D Shira u la pynbam smai ia baroh 58 ngut ki MLA kiba dang shu jop ha kane ka elekshon sha ka iing dorbar tahwain kaba khatwei jong ka jylla.
Ha kane ka iing dorbar na ki 60 ngut kiba la wan phai biang kum ki MLA ki don 37 ngut, kiba shah jied thymmai ki don 23 ngut, na pdeng kine ki don kiba la juh long MLA teng hynrei kila rem bad mynta kila jop biang.
Kiba la shah jied biang sha ka iing dorbar thawain ki long u AT Mandal Speaker ba rim ka iing dorbar, u bah paul Lyngdoh, bah Ronnie V Lyngdoh ki myntri barim, u Dr C Lyngdoh, kiba dang jop thymmai ka kong Santa Mary Shylla, Charles Marngar bad kiwei kiwei.
Ki MDC jong ka KHADC kiba la jop ia kane MLA elekshon ki long u bah Gabriel Wahlang, bah Charles Pyngrope, bah Ronie V Lyngdoh kiba la jop ha kane ka elekshon MLA mynta u snem 2023.
