Shillong, Jymmang 23: Mynta ka sngi ha ka jingiashong pyrkhat kam jong ka sorkar hapoh ka jingpyniaid jong u myntri rangbah ka jylla u Conrad K Sangma kila ia kren halor ka jingkyrpad jong ki paidbah ban plie noh ia ka Iewduh bad ia ka Iew Police Bazar.
Haba kren ha ki lad pathai khubor mynta ka sngi u Symbut myntri rangbah ka jylla u Bah Prestone u la iathuh ba ka sorkar kala bthah ia ka Deputy Commissioner jong ka East Khasi Hills District bad ia u Chief Secretary jong ka jylla ba kin peit ia kane ka kam bad kin sa ai ia ka kaiphot sha ka sorkar la kala long ne em ban plie.
Na ka liang jong u Bah Prestone u la ong ba ka sorkar kan sa shong biang ha ka sngi nyngkong ban wan ban ia kren biang la lah ne em ban plie ia kine ki ar tylli ki iew, ha ka juh ka por u myntri u la kren shai ba lada plie ruh ka sorkar kan shah tang katto katne ki dukan ym baroh.
U Myntri ka koit ka khiah u bah AL Hek u la iathuh ba haduh mynta ka sngi baroh kiba la shim sample ban leh ia ka RT-PCR test ki long haduh 4538 ngut bad kiba la dep ban test ki long 4224 ngut baroh ki long Negative bad 300 tylli ki test dang ap ia ka resolt.
Ha ka jylla Meghalaya kiba la ioh ia ka jingpang COVID-19 ki long 14 ngut, kiba la jem ki long 12, khlad iwei bad kiba dang don ha pdeng ka jingsumar long iwei. Na kiba la jem 11 ngut la pynlait bad i wei dang don ha jaka sumar.
