Shillong, Nialar 07: Ka tnad pulit ba dei peit ia ka jinpyniaid ia ki kali Shillong Traffic Police kala ioh ban bat bad tar haduh 408 tylli ki kali batah iit iong beain naduh ka 14/Naitung/2024 haduh 1/Nailar/ 2024, kine kiba la shah tar dei kiba la tah beain.
Na ka liang jong ki pulit kila pynshitm ia ki katkum ki kyndon jong ka ain ia kiba pynkhien ain katkum ka ain Motor Vehicles Act, la bthah ia baroh kiba tah iit iong ia ki kali ba kin weng noh mardor.
Kane ka jingtoh iit iong ia ki kali ka pynkhien ruh ia ka rai jong ka iing bishar kaba ha khlieh duh jong ka Ri India katkum ka ria WP (C) No. 265 of 201l, kaba la khang pyrshah ia ki trai kali ban tah iit iong palat ia kaba la ia kaba la buh ha ki kali.
Na ka liang jong ki pulit kila bthah bad kren shai ba ki to kiba dang tah iit iong kiba long sha bar jong ka ain la btah ba kin weng noh mar dor ne kin hap ban ngat ha ka jingpynshitom lada ki pulit kila ia ki ha kaba ki iaid ki ieng.
Kane ka jingpynmih jong ki pulit ia kane ka jingbthah kam dei shuh ka sien kaba nyngkong hynrei ka dei kaba la juh pynbna bun bun sin bad ki pulit ruh shuwa ba kin leh da ka kam kika dep ban ban pynmih ia ka jingpynbna paidbah.
