Shillong, Nailur 01: Mynta ka sngi la tep don burom ia u bah D.Plaslanding Iangjuh 89 snem MLA barim ka Mawsynram konstitwensi ha lum jingtep jong ka balang Presbyterian ha lum jingtep jong ka balang Presbyterian ha Lawjynriew.
U bah Iangjuh u shong sah a Lummawri, hynrei ha ki sngi khatduh jong u la rah noh sha iing sah bad u khun bah Manhiam Marbaniang ha Lumsohphoh bad ia ka jingpyndon burom khatduh ia met la pyndep ha Lumsohphoh.
U bah Iangjuh u la jop ia ka MLA na ka Mawsynram Konstitwensi ha u snem 1998 haduh 2008, ha kane ka jinglong MLA la long ruh u myntri kabinet ha ka sorkar bad u la long ruh u MLA na katei ka konstitwensi lai sien.
Ki nongialam seng sain pyrthei, ki Myntri sorkar, ki MLA ki MDC kila ia poi ban peit khatduh bada ban pyndon burom kahtduh ia u tei u riew rangbah u la noh syniang ha ka jylla kum u nongmih khmat paidbah.
Ha kane ka sngi la ioh jingkren na ka liang jong ka Kur Iangjuh, na ka liang jong ka shnong Pomblang, na ksiew bad u khun bad ha dien katta la pyndep ia ka jinglehniam ban pyndon burom khatduh ha phyllaw iing, ha ka jingdon lang kiba ha iing ha sem bad ki lok ki jor, na ka blang.
