Shillong, Nailur 17: U Director ka tnad ka koit ka khiah mynta ka sngi u la iathuh kiba la test COVID-19 positive mynta ka sngi baroh ki long 161 ngut, East Garo Hills 2,East Jaintia Hills 28, East Khasi Hills 105, Ri Bhoi 9,South West Khasi Hills 1, West Garo Hills 12, West Khasi Hills 1, South West Garo Hills 3 baroh kiba shitom ki long 1982.
Kiba la koit haduh mynta baroh ki long 2342 ngut, kiba la koit tang mynta ka sngi ki long 78 ngut, ha East Khasi Hills 37, North Garo Hills 3, Ri Bhoi 3, South West Khasi Hills 1, West Garo Hills 24, West Jaintia Hills 4, South Garo Hills 1.
U Director ka tnad ka koit ka khiah la iathuh ba mynta ka sngi kiba khlad ki long lai ngut baroh kiba khlad la poi sha ka 32 ngut, kiba khlad mynta ki long, ka kong Tiwanti Thabah 74 snem na Barapathor la leit raha sha Bethany hospital ha ka 8/9/2020 bad haba la test la shem ba ka long COVID-19 positive.
Namar ka jingshitom la pynkit noh sha Civil Hospital Shillong ha ka 16/9/2020 hynrei kala khlad noh ha ka por 9.45 baje mynmiet, ka jingkhlad ka long ba kane ka long kmie ka don ruh ia ka jingpang shini bad kiwei de ki jingpang nalor COVID-19.
U wei pat ba khlad dei u bah Lawrence Lyngkhoi 72 snem na ka shnong Shyiap u la khlad myn hynnin ka sngi ha lynti ha ka por ba ki rah sha jaka sumar ha Super care Hosoital.Ia u bah Lyngkhoi la test COVID-19 positive ha Super Care Hospital la lap ba u don ia ka jingpang Covid-19.
Mynta ka sngi ka NEIGRIHMS Hospital ka la pyntip ba mynta ka sngi uwei u briew u ba kyrteng Dili Thapa 60 snem ka rta u ba sah ha Barapathar u la khlad mynta ka sngi ha ka por 7:10 baje mynstep.
Ia u Thapa la wan rah sha NEIGRIHMS Hospital ha ka 14 tarik u Nailur namar ba u don ia ka jingpang Cancer ,ha NEIGRIHMS Hospital ki la sumar ia u ha COVID-19 ha ICU hynrei u la khlad noh namar um lah ban ring mynsiem.
