Shillong, Jylliew 15: U Martin M Danggo MLA jong ka Ranikor u ba dei na ka seng Congress, u la thikna ban hiar shuki u MLA ka Ranikor Konstitwensi ynda la ioh ia ka Ranikor Civil Sub Division.
U MLA jong ka Ranikor u la ong ba ka thong ka jong u ka long ban wanrah ia ka roi ka par na ka bynta jong ki paidbah, ka jingkwah jong ki paidbah ban ioh ia ka Civil Sub Division ka long kaba la slem bah bad kum u MLA u la shim khia ia kane ka kam ban ia kren bad ka sorkar naduh u snem 2007.
Haba mynta u la leit ban ai ia ka dorkhas sha ka sorkar bad ka sorkar ka long kaba la kloi ban pyrkhat ban pynioh ia ka Civil Sub Division hapoh Ranikor kaba hap hapoh jong ka South West Khasi Hills District, kane kan long ka jingkyrkhu ia ki paidbah ha kaba kum u MLA u angnud na ka bynta ka jingmyntoi jong ki paidbah.
U MLA jong ka Ranikor u la ong, kumba u la kren ha ka jingialang paidbah ha Ranikor ha kaba ia dei bad ka jingdawa na ka bynta ka Ranikor Civil Sub Division, un bat ia kaei kaba u la kren ynda la plie ia ka Ranikor Civil Sub Division.
