Shillong, Jylliew 19: Ka Chairperson barim jong ka Meghalaya State Commission for Proctection Child Right (MSCPCR) ka kong Iamonlang Syiem mynta ka sngi ka 19 tarik u Jylliew 2024 ka la shah thung kum ka chairperson jongka Meghalaya State Commission for Women (MSCW).
Ha ba iakren bad ki nongthoh khubor hadien ba la dep ka jingialang ka kynhun Myntri na ka Liang u Bah Paul Lyngdoh u ba dei u Myntri ba dei khmieh ia ka tnad Social welfare u la ongba ia ka Kyrteng jong ka Kong Iamonlang Syiem ka ba la don 65 snem ka kyrta la ioh ia ka jingmynjur na ka jingialng ka kynhun myntri.
U bah Lyngdoh u la pyntip ruh ba na ka liang ka kynhun myntri ka la pynjlan ia ka kyrta na ka bynta ban long kum ka Chairperson jong ka Commission na ka 65 snem ka kyrta sha ka 70 snem ka kyrta.
Kum ban shu pynkynmaw ka kong Iamonlang Syiem kaba la shongthait kum ka Chairperson jongka Child Right Commission ha ka 1 tarik u Lyber 2024 bad hadien kane la thung pat sa ha ka Women Commission.
