New Delhi, Jylliew 08: Ka President jong ka Ri India ka Droupadi Murmu kan sa pynbam smai ia u Narendra Modi bad ka kynhun myntri la shai ka sngi u blei 9/6/2024 ha Rashtrapati Bhavan por 7.15 baje mynmiet.
Ha kane jingpynsmai ha ka sien kaba lai ia u Narendra Modi kum u myntri rangbah duh jong ka Ri India, la khot sngew bah ia ki ongialam jong ki ri kaba pyrthei kiba don saw dong ka Ri India ban ia don lang la shai ka sngi.
Kiba la shah khot sha kane ka jingpynsmai la shai ka sngi ki long President ka ri Sri Lanka Ranil Wickremesinghe, President Maldivves Dr. Mohamed Muizzu, Vice President Seychelles, Ahmed Afif, Prime Minister ka Bangladesh, Sheikh Hasina, Prime Minister ka Mauritius Pravind Kumar Jugnauth, Prime Minister ka Nepal, Pushpa Kamal Dahal ‘Prachanda’ bad Prime Minister ka Bhutan, Mr. Tshering Tobgay.
Kitei ki nongialam jong ka pyrthei kila pdiang ia ka jingkhot sngewbha ban ia don bynta lang ha ka jingpynbam smai ia u Narendra Modi kum u myntri rangbah duh jong ka Ri India la shai ka sngi, ia kine ki nongialam jong ki ri ka pyrthei ki ban ia sakhi lang.
Kane ka jingkhot ia ki nongialam jong ka pyrthei khamtam ia ki ri kiba mar jan ka long ba kane ka sorkar ka ban sa ialam da u myntri rangbah duh u Narendra Modi ka long ban ka Ri India ka buh ha khmat bha ban don ka jingiadei bad ki ri ba marjan, kane ka dei ka polisi trei kam kaba ha khmat eh.