Shillong, Jylliew 11: Ka jingdon kam jong ki paidbah kan long kham ha khmat ban ia ka party, lada ai Ranikor Civil Sub Division kane ka sorkar Meghalaya Democratic Alliance (MDA) u MLA jong ka seng Congress u Martin M Danggo u ba la jop san sien lynter na katei ka thain u lah ban hiar shuki noh kum u MLA bad ban rung sha ka party NPP.
Ban pynkynmaw ba u Martin M Danggo u la jop ia ka election MLA kaba nyngkong na ka seng PDM bad ha kine ki saw sien ha dien u la jop na ka seng Congress bad ka jingjop ka jong u na katei ka jaka Ranikor Konstitwensi kala long san sien lynter. Ha kine ki snem u la long u Speaker jong ka iing dorbar thawain ka jylla.
U la ong u myntri hapoh ka sorkar kaba la ialam da u Dr DD Lapang, u la sah kum u MLA ha ka jinglong myntri rangbah u Dr Mukul bad phra bnai shuwa ba kan poi ka Election sha ka iing dorbar thawain ka jylla la pynrung ia u kum u myntri hapoh ka sorkar u Dr Mukul.
Ka jingdawa Civil Sub Division jong u Martin M Danggo na ka bynta ka Ranikor ka dei kaba la slem bha naduh ka sorkar jong u Bah DD Lapang bad kum juh ha ka sorkar jong u Dr Mukul kaba la ialam da ka seng Congress bad kane ka jingdawa Civil Sub Division jong u kum u MLA katei ka jaka ka long ha khmat jong kane ka sorkar MDA kaba la ialam da ka seng NPP.
Haba u nongai khubor u la pyrshang ban ioh ban kren ia u Martin M Danngo ban kylli hato ka dei em ka jingshisha ia kane ka jingmih khubor ba un hiar shuki noh kum u MLA bad ban leit pyniasoh bad ka NPP ban ia khun biang ia ka MLA Election na kane ka party, namar ba u don sha poh Konstitwensi yn shym la ioh ban kren ia u.
La shai ka sngi u Myntri rangbah ka jylla u Conrad K Sangma lem bad ka kynhun myntri kin leit sha ka jingialang paidbah hapoh Ranikor bad kane ka long ka sien kaba nyngkong naduh ba la shimti kum u myntri rangbah u Conrad un leit ban jngoh ia ka konstitwensi ba don ha ka liang pyrshah.
