Shillong, Naiwieng 10: U Secretary ba dei peit ia ka shnat pule jong ka seng HYC u Enlang Sawian la ong ba kin ap mynta shitaiew ba ka pisa baibam ka dei ban poi sha ka akount jong ki khynnah skul lada kam poi kin pynlong ia ka jingiakhih ha kaba ki lah ban leit tur sha Secretariat ne kin pynbna da kumwei pat.
Namar ba kim ioh ban iaid paidbah kumba kila pynbna kila pynlong noh ia ka jingialang ha jan Shillong Law College, u samla Enlang la ong ba lada ka pisa kam pat poi sha ki akount jong ki samla pule kin nym ngeit namar la kular hynrei khlem leh tad haduh ba kin da byrngem ka sam mih paidbah.
La ong ba lada ki samla kim shym la leit ban buh ia ka jignthoh kan jia aiu ia ka wat la ka sorkar pdeng kala dep ban pynlait naduh u snem ba la dep, lada kim leit ban tyruh kan jai aiu ia kane ka pisa, la kynnoh ba kane ka sorkar kam shym la leh ei ei khatam ha ka pule puthi.
Dei ha kane ka sorkar kaba mynta kala kaba la khien dewthala ia ka pule puthi ha kaba ki nonghikai kila hap ban thiah ha surok, bad mynta sa ki samla pule ruh kin hap ban mih sha Surok kane ka sorkar MDA kam khein snep ia ka tnad pule puthi ha kylla.
Ha kane ka jingialang la kren u bah Roy Kupar Synrem la ong ka jingwan jong u ka long ban ai ka jingkyrshan ia ka shnat pule jong ka seng bad kaei kaba ki rai ka seng kan kyrshan, kiwei kiba la kren ki long ruh u samla Hunki Shylla bad u M.Marwein na West Khasi Hills.
