Shillong, Nailur 21: Ki bor pyniaid ia Ka hospital NEIGRIHMS mynta ka sngi kila pynlong ia ka jingthung dieng ha skut jong katei ka jaka sumar bd ki dieng kiba la thung baroh mynta ka sngi ki long 400 tynrai ki dieng, kane ka long ban iada ia ka mariang.
Ia kane ka jngthung dieng la sdang da u Prof. (Dr.) Nalin Mehta, Director ka NEIGRIHMS bad u Principal Chief Conservator of Forest ka jylla Meghalaya u. R. S. Gill, ha ka jingiadon lang ki doktor ka hospital bad ki ophisar ka tnad khlaw kila don lang.
Ha ka jingkren u R S Gill u la ai ka jingiaroh ia ka NEIGRIHMS kaba la pynlong ia kane ka jingthung dieng, la ong ba ka jylla Meghalaya 76% ka dang don ia ki khlaw bad kane ka jingleh kane ka jaka ai jingsumar ka long kaba ki hap ban ioh ia ka jingiaroh ban hikai ia ki briew ban thung dieng.
U PCCF u la ong ba kane ka jingthung dieng ka dei ka jingprat lynti da u myntri rangbah duh jong ka Ri India u Narendra Modi ban pynthikna ia ka jingialeh pyrshah ia ka jingkiew ka jingshit ha ka mariang, la ong ba ym dei tang ba thung hynrei ban pynthikna ban sumar ia ki.
La pynpaw ia ka jingsngew ka jong u ba lada ki briew ki thungdieng ha ka kyrteng jong kiba ha iing ha sem kane kan dang kyntiew shuh shuh ban dang pynshlur ia ki kam thung dieng.
Ha kane ka jingthung dieng la ia shim bynta da ki nongtrei jong ka katei ka jaka ai jingsumar bad ki kwah ba kane ka jingthung dieng kan long ha baroh sawdong ki jaka jong kane ka jaka ai jingsumar ka NEIGRIHMS u Deputy Medical superintendent Dr. Vikas Jagtap la ong ba ki pynshlur ia kane ka kam thung dieng.
