Shillong, Lber 09: Ka kompeni “Japan International Corporation Agency(JICA) kaba la dep ban mang kyrpang ia ka pisa naka bynta ka jylla Meghalaya ban pyntrei kam na ka bynta ki kam pynroi ha kane ka jylla, lada ka sorkar Meghalaya ka pynslem ka lah ban shim noh ia ka pisa kaba la mang na ka bynta ka jylla Meghalaya.
U Deputy Chief Minister, Bah Prestone Rynsong, haba jubab ia ka jingkylli jong ki nongthoh khubor mynta ka sngi u la ong kubur ba ka dei ka jingshisha ba bun na ki jingtrei ha kane ka jylla ym pat lah ban sdang, dei na kane ka daw ba ka sorkar mynta kala pynsted ia ki kam ban ioh ban sdang noh.
Wat la u Deputy Chief Minister ym shym la kren shai halor ka jingpynsngew jong ka kompeni JICA, hynrei u la kubur ba ka jingpyntrei ia ki skhim bun na ki kim pat sdang bad shen kin sa lah ban sdang noh.
Haba phai sha ka surok na Umshyrpi sha Tamabil, u bah Prestone u la ong ba ki jingpynkhreh baroh kila jan dep bad shen kin sa ioh ban sdang ia kane ka jingpynbha ia ka surok na Shillong sha duh Tamabil, ym tang kane hynrei kiwei kiwei ruh.
Haba ia dei bad ka surok Mawlai by pass u la ong ba ha u bnai jymmang kinsa plie noh ia kane ka surok bad kane kan long ka jingkyrkhu kaba khraw iaki paidbah ynda lah lah ban pyndep ia kane ka jingtrei kaba sah mynta dei sa tang ka jingsiangrong.
