Jowai, Jylliew 19: U Myntri Rangbah ka jylla u Conrad K Sangma bad u myntri kam poh iing jong ka jylla u bah Lahkmen Rymbui mynta ka sngi kila leit ban jurip ia ka jingshah pynjulor ka surok bah NH-6 ha ki bynta jong ka East Jaintia Hills.
Ha kane ka sngi u myntri rangbah u la ioh da la ki jong ki khmat ia ka jingtwa ka surok NH-6, ia u la synran lang da ki briew jong ka PWD, ka NHAI kiba la maramot ia kane ka surok ban ialeh ban pynlait ia ki kali ba kin ioh iaid biang na kane ka surok kaba pyniasoh sha Silchar.
U Myntri Rangbah u la ong ba ki briew jong ka NHAI kila trei bor baroh bad lada ka beng ka ailad kyrmen ba hapoh 48 kynta yn lah ban pynlait ia kane ka surok ban iaid ki kali khatam ia ki kali ba ki ia ki marbam.
Ha ka juh ka por u myntri rangbah la ong ba la ia kren bad ki trai khyndew ban ai jaka shna surok ban iaid ki kali rit katba dang shna ia ki jaka ba twa ha kane ka jingleit na ka liang jong u myntri rangbah u la ong ba ka sorkar kan ai ka jingkyrshan baroh ban peit ba lah ban pynlait kloi ia kane ka surok.
