Shillong, Iaiong 04: Ha Meghalaya ki don ar tylli ki ing skul jong ka Jawahar Navodaya Vidyalaya (JNV) kiba dang dang tei mynta, kawei ha Mawkyrwat kaba hap hpoh jong ka South West Khasi Hills District kawei ha Mawsynram ha East Khasi Hills District.
U Deputy Commissioner ba dei peit ia ki skul JNV ha North Eastern State u K.V Suresh haba kren bad u SP News Agency la ong ba ka jingslem bym lah ban pyndep ia kitei ki ar tylli ki skul jong ka JNV ka dei na ka jingduna palat ki nongtrei bad ka daw ka long ba kontraktor ki khlem shim ia ka Work Permit.
Na ka liang jong ka ophis kala bthah ia ki kontraktor ba kin shim ia ka work permit ban wanrah shibun ki nongtrei ban pyndep kloi ia kitei ki ar tylli ki jingtei ia ki iing skul bad ia kane kila ia kren ruh bad ka Meghalaya Government Construction Corporation (MGCC) ban kham pynbun ki nongtrei.
Haba ia dei bad ka JNV ha Mawkyrwat, la ong ba na ka liang jong u kontrator u la ai ka jingkular ban pyndep tang ia ka iing skul shuwa ha u bnai Jylliew 2023, na ka liang ka ophis ka khmih lynti ba kin ioh ban pyndep ha katei ka por, Lada ym dep ha katei ka por kin nym lah ban pdiang thymmai ia ki khynnah pule ha ka klass VI.
Haba phai sha ka jingtei ia ka iing skul JNV ha Mawsynram ka jingtrei kala iaid sha khmat hynrei dang duna ki nongtrei, la ong ba u la wan jngoh da ladei ia kane ka ja jingtrei ha Mawsynram, ha ka jingshisha ka MGCC kala dei ban bthah ia ki kontraktor ba kin da shim ia ka Work Permit ban wan rah shibun ki nongtrei na bar ka jylla katkum ki kyndon ain.
