Shillong, Jymmang 21: Lah ban shna ka sorkar ia ka ophis jong ka Shillong Municipal Board ha Bivar Road kaba don mynta bad kaba long mar syndah bad ka jaka sah Chief Secretary ka jylla Meghalaya, ka daw ka long ba ka ophis ka dei ban don ha pdeng sorkar ban suk ki paidbah ha ka jingdon kam ka jong ki, ong ki thymmei khubor.
Ka Shillong Municipal Board kam pat ioh ia ka ophis kaba pura jong ki haduh mynta na duh bala aiti ia ka jaka jong ka kaba don Jail Road sha ka Maxim Infrastructure and Real Estate Private Ltd (MIREPL) ban shna ia ka hotel ha katei ka jaka.
Naduh u snem 2009 naduh bala pynkynriah ia ka ophis jong ka SMB sha Bivar Road ha ki iing bala shna na ka bynta ban phah sah ia ki nongtrei ka Mincipal kiba don ha ha Them Iewmalong, hynrei la pyndon kam ia ki kum ka ophis jong ka SMB.
Ia ka ophis jong ka SMB la pynkynriah biang ia ki na kitei ki iing sha shilliang surok kaba mar pyrshah ba don ka ophis jong ka Meghalaya Basin Development bad ka ophis ka dang trei kam na kane ka jaka ia mynta.
Ka sorkar kala shim ia ka rai ban ai jaka ia ka SMB ha jan jong ka ophis jong ka Meghalaya Tourism Development Cooperation, ha kjat ka ophis jong ka National People Party (NPP) ia kaba la ker da ka tin sawdong jong kane ka jaka.
Ki thymmei khubor ki iathuh ba kala don ka jingkylla ktien biang ba ia katei ka jaka yn nym ai shuh sha ka SMB, hynrei ka jingiakren kala dang iaid ba ia ophis ba pura jong ka Shillong Municipal Board yn shna ha kane ka jaka ba long ophis mynta.
Ki thymmei khubor ki iathuh ba wat la ka jaka ka long kaba rit hynrei la sngewthuh ban shna bun mala ban ioh kham bun ki kamra na ka bynta ban buh ia ki tnad trei kam bapher bapher jong ka Shillong Muncipal Board,
