Shillong, Jymmang 16: Ha kane ka lyiur mynta u snem 2024 ka long ka sien kaba nyngkong ba u slap bajur u la hap ha sor Shillong u bala neh haduh lai kynta, la sdang slap ha ka por 1.30 noh phai sngi bad u la neh haduh por 4.30 baje jan miet.
Ha kane ka jingslap jur ki nala um bapher bapher kiba don ha kylleng ka sor Shillong kila shlei da ka um bad kila dap haduh ki surok bad ki jaka jong ka thain Demseiniong, Pynthorbah, Iew Mawlong, Lachumiere bad kiwei kiwei ki jaka.
Kaba kham sngewsih ka long ba namar ka jingbym pyndep ia ka smart Road kaba don ha Lachumiere namar ka jingdap ka um ha ki thliew kala wan rah ia ka jinghap briew bad ki kali ki wan ha katei ka jaka ruh kila liat sha nala.
Ha kane ka sngi namar ka jingsah kut ka um ha ki nala bapher bapher jaka wan ruh ia ka jingdheng kali kaba sherkhie ha kylleng ki jaka jong ka sor Shillong, bad kaba la kham jur jeh ka jingdheng kali ha ki thain polo.
