Shillong, Rymphang 19: Ka jingthep kyrteng ban ia khun ia ka ilekshon MDC shiteng samoi na ka 26-Langrin MDC Konstitwensi kala kut mynta ka sngi bad ha dien ba la bishar bniah ia ki kot ki sla la shem ba baroh lai ngut ki kyrtong ba la thep kyrteng ki long kiba bit ba biang.
Kine ki lai ngut ki kyrtong ki long u MLA jong ka Ranikor u bah Pius Marwein na ka party UDP, bah Kitborlang Nongrem na ka party NPP bad u Bah Jotin Khardewsaw na ka party Congress. Lada don na pdeng ki kyrtong kiba kwah ban weng noh ia lade na ka jingiakhun ki lah ban leh la shai ka sngi shuwa ka por lai baje.
Ka jingiathep vote ban jied ia u MDC ba thymmai na ka 26-Langrin Konstitwensi kan long ha ka 28 tarik mynta u bnai bad ka jingniew vote kan long ha ka 3 tarik jong u Lber u bnai ban wan.
