Shillong, Nailar 02: Hadien ba ka jingmih ha ki kot khubor ba kidon kita ki kynhun kieng atiar kaba tip kum ka United People’s Front Of Karbi Longri (UPFKL) kiba thmu ban pyntieng pyn smiej ia ki Khasi-Pnar kiba shong ba sah ha la ki jong ki jaka ki puta kiba Don ha Block-1,
Kumta na ka liang ka Khasi students union(KSU) jong ka west jaintia hills district ka phah ia kane ka kyrwoh khubor sha ki paradoh parasnam kiba Don ha kitei ki jaka bad ia baroh kiba shong ba sah markhap bad ka Assam ba kim dei ban tieng bad ban shong syier.
Ka seng kan long kaba la kloi ban ai iaka jubab ia kita ki Kaikhlaw kiba thmu ban wanrah ka jing pyntieng bad ban iuh roit ia ka hok ka kynti ki paid khasi kiba Don ha Block-1.Ka Seng ka kyntu ia ki paradoh parasnam ban kin iaid kin ieng kumba ju long baroh shi katta bad ban kamai ka jih laitluid hala ka jong ka khyndew Lajong.
Ka Seng ka Maham ruh ia kata ka Seng Kaikhlaw kaba tip kum ka (UPFKL) ba lada ka kwah ban ia tyngkhuh ka Seng ka la long kaba la pynkhreh ban ia mih ha madan bad ruh lada jia ei ei ia ki doh ki snam ki jong ngi kiba shong ha kitei ki jaka ka Sorkar Assam bad ka Sorkar Meghalaya ki dei ban shim ka jingkit khlieh, kane ka long katkum ka kyrwoh kaba la phah da u samla Juhi Tariang nongai khubor ka KSU na WJHDU.
