Shillong, Risaw 01: Ki pulit jong ka Mawlasnai mynta ka sngi kila ioh ia ka jingtip ba ha ka 24th Nailur 2022 kala don kawei ka jingshah leh beiot kawei ka khynnah rit ha u wei u briew bala 20 snem ka rta ha ka shnong Umshangktat.
Katkum ka jingpyntip na u superintendent ki pulit jong ka Ri Bhoi District u Giri Prasad la iathuh ba ki pulit kila shem ia baroh ki lat ki lynti katkum ka ain ha kaba ia dei bad kane ka jingjia bad la ujor ruh ia ka ejahar pyrshah u tei u briew.
Halor ka ejahar ki pulit kila register ia ka mukotduma pyrshah ia u hapoh ki kyndon jong ka ain POCSO Act bad ka jingtohkit ha kaba ia dei bad kane ka jingleh beijot kala dang iaid ong u SP ka Ri Bhoi District.
Na ka liang jong ki pulit mynta ki dang thwet ia u tei u nongleh ia kane ka kam pohjait bad ban pynshitom ia u katkum ka ain. Na ka liang ki pulit kila pyntip sha baroh ki jaka ban thwet ia une u nongleh kam sniew.
