Shillong, Jylliew 26: U president ka Hynniewtrep Youth Council Sohiong zone haryngkat ki saw ngut ki wei pat ki dkhot mynta ka sngi ka 25 tarik u Jylliew 2024 ki la shah khothajir ha khmat ki pulit ka Sardar Police station.
Ia kane ka jingshah khot hajir jong kine ki dkhot ki ba kynthup ia u President U bah Purning Shabong ka long hadien ba ki la leit ban kyndang ia ki nongthrei barJylla ha Sohiong ha ka 7 tarik bad 10 tarik u jylliew.
Ha ba ioh ban ia kren bad ki nongthoh khubor na ka liang u President ka seng HYC sohiong zone u bah Purning Shabong u la ong ba ka jingshah khot jong ki ka dei halor ka ejahar ba la mudui da u bah F Thabah u ba dei u trai iing u ba wanrah ia ki nongbylla barJylla.
U bah Shabong u la ong ruh ba ha dien ba u la ioh jingtip ba ka shnong kam shym la shah ia ki trai iing ba kin wan rah ia ki nongtrei bar Jylla kumta na ka liang ka seng HYC ka leit ban jurip ia kine ki jingtrei kumta kila lap ba kine ki bar Jylla kim shym la biang ia ki kot ki sla kumta halor kane ka Nongrim na ka liang ka HYC Sohiong ka la bthah ia ki trai iing ba ki dei ban phah noh ia kine ki nongtrei bar Jylla sha ki shnong jongki.
U la ongruh ba hadien jongkne ka jingleit ban beh jong ki ia kine ki nongtrei bar Jylla na ka liang u trai jong kane ka iing u la ai da ka FIR bad na ka liang ka seng ka la wan ban ai ka jingiatrei lang bad ki bor jong ka ain ban ai ia ka statement jong ki.
U la ong ruh ba kat kum ka FIR ba la ai da ki trai iing ka long ba ki la kynnoh ba ki la ktah kti bad shoh pynmynsaw ia kine ki br Jylla hynrei na ka liang ki dkhot ka HYC kim shym la leh kumta ki la leit da ka jingjaijai bad ki la ioh ban ia kren bad ki trai iing da ka burom akor.
U la ong ruh ba wat ia ki bar Jylla ruh kim shym la leh eiei hynrei ki la kren ia ki ba ki dei ban leit phai pat sha la ki shnong namar bap him don ia ki kot ki sla ki ba biang.
