Shillong, Iaiong 02: Ki paidbah ka thain Umsiang kaba haphapoh jong ka Ri Bhoi District bad u MDC jong ka Mawhati u Bah Charles Marngar mynta ka sngi kila khang khyrdep noh ia ki lynti iaid ban iarung ia mih ha katei ka thain sha Jagiroad ha Assam.
U Bah Charles u la iathuh ba ki briew jong ka tei ka thain kila sngewthuh mynta ha kaba ia dei bad kane ka jingpang COVID-19, mynta ka sngi kila leit ban khanglut ia ki lynti iaid kjat kiba ia rung ia mih na katei ka thain sha Jagiroad ha Assam.
La iathuh ba ki don ar tylli ki jingkieng kaba ki briew ki ia leit ia wan da ka kjat kiba pyniasoh ia ka thain bad ka jylla Assam, kawei ka jingkieng ha Umsiang bad kawei ha Amdubi Dhubighat. Kaba sngewtynnad ka long ba ki nongshong shnong kila sngewthuh ia kane ka jingpang.
La iathuh ba ki briew kiba im ha katei ka thain ki iarung ia mih ba kitei ki ar tylli ki lynti iaid kjat bad ki ia kamai kajih, hynrei mynta haba kila ioh sngew ba la don ba ioh ia kane ka jingpang na ki thain Jagiroad kila khang lut ia ki lynti bad ki briew mynta kim ioh shuh ban ia rung.
