Shillong, Nailur 06: U bah Purning Shabong uba dei u President ka HYC Sohiong Circle haba ioh ban ia kren bad ki nongthoh khubor hadien ka jingia kynduh bad u CEM ka KHADC u bah Pyniaid Sing Syiem u la ong ba kane ka jingtang jait kulmar kam dei shuh kaba jia nyngkong ne dang thymmai.
Ka seng hadien ka la buddien bha halor kane ka la lap ba ka don ka jingtang jait kaba da ka juh ka ing artylli ki jait. U la ong ba kane ka jingleh ka long kaba ymdei bad ba kane ka rukom, ha ka sain pyrkhad u khasi, u la ong ruh ba halor kane na ka liang ka seng ka buh ka jingkyntu ban shikhia lane ban leh eiei.
U bah Purningstar Shabong u la ong ruh ba ka jingioh lypa ki dkhar ia ka jait khasi. U la ong ba kane ka jia ba lada ka khynthei dkhar ka shonglok ia u ba dei khasi, ia ki khun la ai jait khasi bad kane ka buh jingma bha, namar ba lynba jong kane ki bah ha ing ha sem katei ka kynthei dkhar ki la ban ioh ST.
Namar kumba long mynta ki don ki Self Rangbah shnong kiba lah ban ai kano kano ka kynja certificate lane jingpynshisha ba kin lah ban ioh ST. La don ruh ki Self rangbah kur kat kum ka jingshem jong ka seng. U la ong ba kane ka bub jingma bha namar lyngba jong kane ka long kum ka kabu ia kito ki ba kwah ban long khasi ne ioh jait khasi.
Shuh shuh u bah Shabong u la ong yn ym dei shuh hi ban shah iano iano ruh ban dang tang jait namar lada ailad ia uwei yn ymlah shuh ban tehlakam I kiwei dei kiba kwah ban ioh jait khasi. U la ong ba haba ia dei bad ka tang jait dei ban pyrkhing ban don da ki kyndon ba kan nym jia shuh nangne shakhmat.
Haba kylli halor kane u CEM u jubab kumno. U bah Purning Shabong u la iathuh ba, na ka liang jong u CEM ruh u la kular ban shim khia halor kane ba kan nym jia shuh kaba kum kane nangne shakhamat.
