Shillong, Kyllalyngkot 06: Ka seng All Meghalaya Karate-Do Association (AMKDA) kala phah hynniew ngut ki nongia kura na kane ka jylla Meghalaya ban leit ia shim bynta ha ka “KAI President Cup 2020” ka ban long ha Goa ka ban sdang ha ka 8 tarik mynta u bnai.
Ki kyrteng jong ki nongiashim bynta ha kane ka jingiakop ia kura ki long u samla Edwilbert K Nongkynrih (Men Ind Kata), u samla Glikerius Buhphang (Men -55kg Ind Kumite), u samla Wanphrang Jyrwa (Men -60kg Ind Kumite), u samla Banteilang Pdahsiej (Men -67Kg Ind Kumite).
Ki kynthei ki long ka samla Saralin Rynghang (Women -50 Kg Ind Kumite), ka samla Phikerbha Kharbihkhiew (Women -55 Kg Ind Kumite & Kata) abd ka samla Barisha Kharbani (Women -61 Kg Ind Kumite).
Na ka liang jong ka seng ka ai ka jingkitbok ia kine ki nongiakura na kane ka jylla Meghalaya ba kin ioh wanrah ia ka nam ka burom jong ka jylla hi baroh kawei. Ia kane ka kynhun la ialam da u Bah Donboklang Lyngdoh bad u Arjun Sewa kum u nonghikai bad u nongpeit ia ka kynhun.
