New Delhi, Nohprah 07: U Myntri ka sorkar pdeng u ba dei peit ia ki samla, kam ialehkai bad ka lad ioh kam ioh jam u Dr. Mansukh Mandaviya mynta ka sngi u la poi sha Nagaland ban ia shim bynta ha ka tamasa Hornbill kaba dei ka tmasa kaba pyni ki riti dustur ka jylla.
Ia u myntri ka sorkar pdeng la pdiang burom da u Moatoshi Longkumer, u MLA ba dei u nongai buid ka sorkar Nagaland haba ia dei bad ki samla, ki kam ialehkai bad kiwei kwei ba ia dei bad ka sorkar Nagaland.
U Dr Mandaviya ha kane ka jingleit sha Nagaland la leit ban ia kynduh ia u Lat ka jylla u La Ganesan ha Raj Bhawan, ha kane ka juh ka sngi la ia kynduh ia ki ophisar ka tnad ba dei peit ia ki nongbylla, ia ki samla bad ka tnad ialehkai ka jylla Nagaland.
U la ong ba kala don ka jingkylla ha ki kam ialehkai ha ka jingialang jong u myntri rangbah duh ka Ri India u Narendra Modi, la ong ha ki por bala leit kim shym la shim khia ha kane ka bynta, hynrei mynta ki kam pynroi ha ki kam ialehkai kala dang kiew.
Ha kane ka sngi u myntri ula kren ia ki ba bun ki kampynroi kiba ka sorkar kala pynkhreh ha kiba bun ki bynta, ha ka juh ka por u la ai khublei ia ka sorkar ka jylla Nagaland kibala khot sngewbha ia u sha kane ka tamasa Hornbill mynta u snem 2024. Ha kane ka sngi la don lang ruh ki ophisar ka sorkar jylla.
