Shillong, Iaiong 21: Ka ‘Institute of Bioresources and Sustainable Development’ (IBSD), kaba don ha Upper Shillong ha Meghalaya mynta ka sngi kala pdiang ia ki samla pule jong ka St. Edmund’s College bad ia ki nonghikai kiba la leit ban jngoh ia ka Laboratory katei ka jaka.
Kane ka jingleit jong ki samla pule ka St. Edmund sha katei ka jaka ka long ban sngewthuh ia ka jingtrei kam ka Laboratory bad ki kor ki bor kiba don ha katei ka jaka ba jurip bniah kyrpang ia ki dawai kynbat kane ka thain.
Ha kane ka jingleit ki samla pule ka St. Edmund la pynsngewthuh ia ki da u Director ka IBSD, Prof. Pulok K. Mukherjee ba kumno ban pynkiew ia ka jingia dei ka stad saian bad ki kor ki bor jong kane ka juk kaba mynta ban pyndon kam ia ki na ka bynta ban iada ia ka mariang.
Ka IBSD ka juh pynlong ia kum kine ki jingiakynduhlang ban pynsngewthuh ia ki samla pule ba kin wat bniah ha kaba ia dei bad ka mariang bad khamtam eh bad ki jingthung kiba mih na ka mariang ha kane ka jylla.
