Shillong, Kyllalyngkot 29: Mynta ka sngi u Lat ka jylla u Phagu Chauhan u la leit ban jngoh ia ka Army Public Schools kaba don ha Area 101 Shillong bad ha kane ka jingleit u la ioh ban ia kren bad ki khynnah pule katei ka skul.
Ha kane ka sngi la ia don lang bad ki khynnah skul ha kaba la ioh ban ia kren bad u myntri rangbah duh jong ka ri ha ka jingiakren lyngba ka television da u Narenda Modi ia kaba la tip kum ka Pariksha Pe Charcha.
Kane ka jingkren jong u myntri rangbah duh jong ka Ri India sha ki khynnah skul mynta ka sngi ka dei ka sien kaba hynniew bad ka jingthmu jong kane ka long ban pynlong ia ka rukom hikai kaba khlem da don kano kano ka jingkhia ha ka rukom pule khamtam ia ki samla ba pynkhreh iaki board eksa,.
Kane ka jingiakren ka long ban hikai bad ban pynshlur ia ki khynnah skul ba kin sngewthuh ia lade, ha kane ka sngi la don lang u Commissioner bad Secretary sha u Lat ka jylla u BDR Tiwari, u Secretary, Department ka tnad Education, Meghalaya.
U R Rapthap,Brig Sandeep Dhupar, Chairman, Army Public School, Shillong, Col S. S Sharma, SOI, Education, Principal APS, Shillong, Rajeevan, ki 57 ki nonghikai bad ki khynnah skul 554 ngut.
