Shillong, Risaw 14: Ka Dr. Mazel Ampareen Lyngdoh myntri ba dei peit ia ka tnd rep mynta ka sngi ka leit ban jngoh ia ka jaka pynmih symbai ia u Sohmarit, Sohniamtra kaba don ha Sambrak ha North Garo Hills District ia kaba la tip kum ka Sarangma Horti Hub.
Ha katei ka jaka pynmih symbai kila don shibun ki jait jingthung bad kane kan long kum ka jaka pynmih symbai bad ka jingleit ka long ban peit ba kumno kane ka iaid khnang ba kin ioh jingmyntoi ki paidbah nongrep ka jylla.
Ia kane ka jaka pynmih symbai la bei pisa lyngba ka RIDF ka trei kam bha bad kila bun bha ki nongrep kiba la ioh ia ka jingmyntoi na kane ka jaka ia ki symbai ban thung ki nongrep kaba ki don kam.
Kane ka Integrated Bee Development Centre (IBDC) ha Sambrak ka don ruh ia ki jaka ban ai jinghikai ia ki nongrep bad ban shna ia ki synduk ri ngap ban pynmih ia ka ngap bad ka sorkar kan pyndon kam pura ia kane ka jaka ha kine ki khyndait bnai ban wan.
Ka myntri ka la leit ban jurip ia ka GVK Project ka ban sa sdang pyntreikam noh ia ka tei ka jaka bad kane kan long ka jaka ai jinghikai ia ki nongrep bad kiwei kiwei ki jingdon kam, kane ka Sambrak State Seeds Farm ka heh kumba 144 Hakter.
