Shillong, Naiwieng 20: U Myntri Rangbah ka jylla u Conrad K Sangma bad u myntri pynroi sor u Deputy Chief Minister ba Sniawbhalang Dhar mynta ka sngi kila leit ban jurip ia ka New Shillong Township (NST) ka jaka bala sdang shna ia ka Secretariat kaba thymmai jong ka jylla.
Ha kane ka sngi la leit ban jurip ruh ia ki jingtei kiba dang iaid sha khmat kum ka bynta kaba ar jong ka IT Park kaban ngiam 400 ngut ka hostel na ka bynta ki kynthei, Ka Skill park bad ka Prime Minister Innovation Hub bad la leit ban jngoh ruh ia ka surok ba dang shna thymmai ka surok ban iaid saw tylli ki kali, kane ka surok kan don ruh ia ka jak ban niah Saikil.
U Myntri Rangbah ka jylla u la ong ba kane ka ophis ka ba la shna mynta kan dei ka jaka trei kam jong ka sorkar bad ka jingtei ia ki iing kan long katkum kane ka juk kaba mynta bad pan peit ruh ia ki 50 snem ki ban dang sa wan, ka jingpynkynriah ia ka Secretariat kan pynlait ruh ia ka jingkhap ngiah kali ha sor Shillong.
Kumba ka long mynta ki jingtei ha katei ka sor kaba thymmai kin long lyngkhot lyngkhot hynrei ki dei shibynta jong ka sor kaba thymmai bad kane kan long kaba ia ryngkat lem bad kiwei ki nongbah kiba katkum kane ka juk mynta.
