Shillong, Nohprah 29: U Superintendent ki Pulit jong ka West Khasi Hills District u BD Marak MPS u la leit jurip da lade ia ka jingtei ia ka police Station kaba thymmai ha Shallang lyngba ka skhim PIRF kane ka jingleit ka long ban pynthikna ba ka jingtrei kan long kaba iaid beit.
Ha kane ka jingleit jurip la shem ba ka jingtrei la lah ban pyndep haduh 90%, kaba kyntup iak a Police Statation, ka Barak bad kum juh ia ki iing sah jong ki pulit, kane ka jingleit jurip ka long ban pynthikna ba ka jingtrei ruh ka dei ban long kaba bha.
Ka Shallang ka dei kawei na ki jaka kaba ka khaii pateng ka kala kiew bha ha West Khasi Hills District bad dei na kane ka jaka ba ka iew dewiong ka don bad ka jingdon kam ia ka police station ka long kaba don kam haduh katta katta namar ki jaka bala kiew ha ka khaii pateng ki jingsiew ruh kidon lang.
Kane ka jingshna ia ka Police Station ka long ban pynkhlian shuh shuh ia ki bor pahara ha katei ka thain jong ka West Khasi Hills bad kane ka jingleit jurip jong u heh duh ki pulit ba dei peit ia ka District ka long ban pynthikna ba ka jingtrei kan iaid beit.
