Shillong, Lber 02: Mynta ka sngi ki pulit jong ka East Khasi Hills District kila ioh ban kem ia u dkhot jong ka seng HNLC u bah Storgy Lyngdoh na iing sah jong u ha Mawlynrei, ia kane ka pyntip da u Superintendent ki pulit ka East Khasi Hills District u Rituraj Ravi IPS.
Ha ka kyrwoh kaba ki pulit kila phah ha kaba iadei bad kane ka jingkem ia u Storgy Lyngdoh dkhot ka seng HNLC, la ong ba kila ioh ka jingtip ba la don ka jingsam ia ki shithi dawa pisa bd kane kala pynshong syier ia ki briew kiba don ha ki kam khaii pateng ha kane ka nongbah Shillong.
Ha ba la ioh ia kane ka jingtip ki pulit kila wat bad la shem ba u sah ha Mawlynrei Khliehshnong bad na ka liang jong ki pulit kila leit ban kem na ka jaka sah jong u mynta ka sngi dang step bad na u la ioh ban kurup kawei ka Sim kard jong ka Bangladesh.
Ki pulit ki kam ba u Storgy Lyngdoh u dei u dkhot ba pura jong ka seng HNLC bad u dei ba ia jan bad u Deputy Commander-In-Chief ka HNLC, u dei ruh u nongda jong u A. Hazarika bala tip kum u Manhbalang Jyrwa ba dei Vice Chairman ba rim ka HNLC.
Halor kane ka jingjia ki pulit kila register ia ka ejahar hapoh Rynjah Police Station na ka bynta ban dang bteng ia ka jingtohkit ha kane ka jingtohkit, ki pulit kila kam ba u la don bynta ha kiba bun ki kam runar bad ialeh ban lait na ka kti jong ka ain.
