Shillong, Jylliew 09: U Myntri Rangbah ka jylla u Conrad K Sangma u la shah khot ban ia don lang ha ka jingpynsmai ia u myntri rangbah duh jong ka Ri India u Narendra Modi lai sien lynter ka ban lon mynta ka miet pot 7.15 baje ha Rashtrapati Bhavan New Delhi.
Ki thymmei khubor kiba ia jan bad u myntri rangbah ka jylla la pynthikna ba mynta la don sha Delhi ban ia don lang ha kane ka jingpynsmai ia u Narendra Modi kum u myntri rangbah duh jong ka Ri India bad ia ka kynhun myntri ha kane ka sorkar NDA.
Ka party NPP kaba dei kia dkhot ong ka National Democratic Alliance (NDA) ha kane ka kynti kaba mynta kam shym la lah ban jop ia ka elekshon sha Lok, Sabha hynrei ka don tang u wei u MP hapoh Rajya Sabha u Dr. W.R Kharlukhi.
U Myntri Rangbah ka jylla u la shah khot sngewbha ban ia don lang ha kane ka sngi kaba ka kynhun NDA kan la ioh biang ia ka jingsynshar hapoh ka jingialam jong ka party BJP lai sien lynter hapoh ka sorkar pdeng.
