Shillong, Jymmang 20: U Bah Prestone Tynsong Deputy Chief Minister mynta ka sngi u la iathuh ba ka sorkar kala shim ia ka sien jam ban iada kyrpang ia ki riew tynmen kiba la palat ia ka 60 snem shaneng ban hikai iaki ban iada na ka jingpang COVID-19
La iathuh ba ka sorkar lyngba ki Deputy Commissioner bad ki District Health Medical Officer ban pynpoi ia kane ka jingbthah sha baroh ki 7000 tylli ki Community COVID-19 Committee ia kane ka jingbthah jong ka sorkar bad kane ka dei ban poi la shai ka sngi.
Ka kam kaba kine ki Community COVID-19 Committee kin leh tyngkat ki ASHA, ki Nurse ryngkat ki dkhot jong ka Committee kin leit ban rung sha kawei pa kawei ka tnum iing ban ai jinghikai ia ki riew tynmen kumno ban leh ban iada na kane ka jingpang COVID-19.
La iathuh ba Ki shnong baroh ha ka jylla katkum ka khana samari jong tnad pynroi nongkyndong ki don haduh 6700 tam ki shnong, hynrei ki COVID-19 Committee ki don haduh 7000 tylli ka long ba wat haduh ki dong ruh ki don ia kane ka Committee ban ia treilang ban teh lakam ia kane ka khlam.
Na ka liang jong u Deputy Chief Minister u da ai khublei kyrpang ia ki dorbar shnong baroh kiba ia treilang bad ka sorkar ha kane ka jingialeh pyrshah ia kane ka khlam COVID-19.
U Bah AL Hek myntri ba peit ia ka tnad ka koit ka khiah u la iathuh ba haduh mynta ka sngi kiba la test ki long haduh 3354 ngut, kiba long Negative ki long 3158 ngut, kiba long Positive 14 ngut, iwei la khlad, 12 ngut kila koit bad kaba dang shitom mynta ka West ha Tura West Haro Hills District.La iathuh ba haduh mynta kiba la wan phai sha ka jylla haduh mynta ka jan miet ki long 7100 ngut.
