Shillong, Jylliew 05: Ki nongrep na kylleng kiba la wan ban kit ia u jhur ban wan die lang ha Anjalee parking lot kumba ki juh wan man ka sngi hynrei kin da poi ha Anjalee petrol pump khlem shah ban rung sha Anjalee parking lot.
Kane ka jingbym shah kala buh ia ki nongrep ha ka lyngngoh. Ki kali baba la wan kit jhur na kylleng, kum na ki thain Smit, Shilliang um Diengiei, Ri Bhoi District bad na ki thain Mylliem kila hap ban pynieng ia ki kali ha jan Rihno bad pyrshah Arunachal Bhavan.
Haba kren ha u SP News Agency bun na ki nongrep kila pynpaw ba Kane ka jingleh na ki bor sorkar ka buh ia ki ha ka jingeh namar Kane ka jingpynkynriah jaka ne tip kaei ka daw. La pynsngew ba Kane ka jingleh ka sorkar kala pyndik khamtam u jhur u dei u mar pyut.
Ha kine ki sngi ka jingia die lang ia u jhur ka long ha Anjalee parking lot ba wat ki kali ba wan kit jhur na Assam ruh ki wan ha katei ka jaka, hynrei mynta ka sngi kila lyngngoh haba ym shah ban rung sha Anjalee Parking lot wat haduh ka por 8.20 baje mynstep.
Bun kila iathuh ba kila muh na ki shnong da dum ban poi sha Kane ka jaka kumba juh long man ka sngi hynrei mynta ka sngi kila hap ban ia die ia ki jhur ha Rihno namar bym shah ban rung sha Anjalee parking lot.
Ki nongrep kila pynsngew ba ka sorkar kala rai ban pynlong ia ka Iew Mawlong parking lot kum ka jaka dielang ia u jhur ha ka mala ba nyngkong bad ha tbian hynrei hangne ruh kam shymlong kum ba la rai da ka sorkar mynta ka sngi wat ha Anjalee parking lot ruh khlem shah shuh Kane kala buh ia ki nongrep ha ka lyngngoh.
