Shillong, Kyllalyngkot 16: Wat la ka election sha ka iing dorbar thawain jong ka jylla la dep buh ban long ha ka 23 tarik jong u Rymphang bun na ki paidbah ha ki constituency bapher bapher ha kane ka jylla haduh mynta kim pat ioh ia ka dur thep vote ka jong ki.
Haba ia dei bad ka East Khasi Hills, u Deputy Commissioner haba kren ha u SP News Agency u la ong ba ha ka jingshisha la sam ia ki dur sha ki paidbah bad u la ong ba lada ki don ki bym pat ioh yn sa kylli na ki briew la shai ka sngi na ophis ban peit ba baroh kiba la dep ban pynrung kyrteng bad kiba la shon dur ki dei ban ioh ia ka dur jong ki.
Haba u nongai khubor u la ioh ban ia kren bad bun ki briew na ki jaka bapher bapher ki la iathuh ba ki don ki briew kiba na ka juh ka shnong ki la ioh ia ka dr thep vote thymmai kaba dei jong u snem 2012 katba ki don pat ki bym pat ioh.
Bun na ki paidbah ki la kylli mano ba buhrieh ia ki dir thep vote jong ki ha kaba na ka juh ka iing ruh don kiba la ioh bad don ki bym pat ioh kane ka jingbym ioh ryntih lang ka la buh bun ki jingkylli na ka liang jong ki paidbah.(SP News)
