Shillong, Naitung 16: U myntri rangbah ka jylla u Dr Mukul Sngma mynta u dang pyrkhat hano ban aiti ia ka myntri rangbah ban shu long u nongpynpeit lem shipor , yn da u leit ban phah sumar ia lade sha bar jong ka Ri India kaba lah ban long saw ne haduh hynriew bnai.
U myntri rangbah u bym da shait da khlain bha yn nym lah ban shu ieh ia ka jylla kumto khlem da don lem u nong ia tyngrong ia ka kam ha ka synshar khaddar ban trei ia ka kam ha ka kyrteng jong u ban pyndep ia ki kam ki jam jong ka sorkar.
U Myntri rangbah ba rim ka jylla U SC Marak u ba bat ruh ia ka kam Chairman jong ka state Planning Board haba kren ha u SP News Agency u ong ba lada u Chief Minister u hapban jah slem na ka jylla u hap ban aiti ia ka kam ha u wei na pdeng ki cabinet minister ban trei ia ka kam kum u Chief minister ha ba u chief miniter u don slem sha bar jong ka jylla.
Kumba ka long mynta ka jylla ka don ar ngut ki deputy Chief minister u Dr R C Laloo bad u Bah Rowell Lyngdoh u lah ban aiti ha u wei na ki ne yn aiti ha uwei na pdeng ki cabinet minister da ka jingthoh. Ynda u chimef minister u la wan phai biang na ka jingleit ka jong u yn sa shimti biang ia ka kam kum ba juh long.
U myntri rangbah ba rim ka jylla u la ong ba u ruh ia la ioh ia kane ka jingtip ba u myntri rangbah u Dr Mukul Sangma u hap ban leit shah sumar sha bar jong ka Ri India, lada kane ka long kaba shisha ka dei ka rukom ba hap ban aiti hano re hano ban peit lem ia ka kam myntri rangbah kat haduh ba yn da wan phai.
U myntri rangbah u lah ban aiti ia kane ka kam tang ha ki para myntri cabinet ym lah ban aiti sha ki bymdei ki minister cabinet, lada aiti sha ki bym dei cabinet ka mut hap ban pynsmai thymmai ia u myntri rangbah bad ia ki minister bad kane kan long ka jingkylla ha ka sorkar.(SP News)
