Shillong, Dec 15: Ka jingialehkai kynjat ball mynta ka sngi ha pdeng ka jylla Meghalaya bad ka jylla Tamil Nadu ha ka Senior Men’s National Football Championship ha ka Santosh Trophy 2024-25 kila ia thep mar ar kol ha Hyderabad.
Na ka liang jong ka jylla Meghalaya baroh ar tylli ki kol la thep da u Damanbhalang Chyne ha ka minit kaba 50 bad 69 ha ka kynhun Group B ha ka kylla kaba ar, ka jylla Tamil Nadu kala the par kol ha ka kylla step da u Pandiyan Sinivasan haka minit kaba 28 bad u Alexander Romario Jesuraj ha ka minit kaba 47.
U nonghikai ka kynhun Meghalaya ubah Hering Shangpliang ha ka jylla kaba ar haka jingialehkai u la bujli ia ar ngut ki rang ialehkai ha kaba u la pynrung ia u Khrawkupar Jana bad Fairming Suting ha ka jingialehkai ha kaba Damanbhalang u la ioh ban thep kol.
Ha dien bala ioh ban the par kol ban pyniaryngkat ki rang ialehkai ka jylla Meghalaya kila pyrshang da u Deibormame Tongper bad u Donlad Diengdoh, ka jingialehkai ka long kaba iathain bha ha kaba kut kim shym lah ban ioh ia ka jingjop kila hap ban ia drow mar ar kol.
Ha kawei pat ka jingialehkai ka Kerala kala theo 4 kol bad ka Goa kala ioh ban thep 3 kol bad mynta ka jan miet ka jingialehkai kan long ha pdeng ka Delhi bad Odisha, ka jylla Meghalaya kan ialehkai haka sngi ba Ar pyrshah ia ka Kerala.
