New Delhi, Kyllalyngkot 8: Ka Cabinet Committee on Economic Affairs, ba la ialam da u Myntri Rangbah Duh ka Ri u Narendra Modi ka la mynjur ia ka Projek North East Gas Grid jong ka Indradhanush Gas Grid Limited ryngkat ka viability Gap Funding, Capital Grant kaba 60% jong ka T 9265 klur ba la antad (ba la kynthup ruh ia ka sut katba dang shna). Ia ka VGF yn buh haduh 60% jong ka dor ba la antad ia kane ka projek bad ia kane yn ym pyniasoh bad ka jingkiew dor.
Ka MoPNG kan buh ia ka porn a ka bynta ki kam ba kham heh ha kane ka projek bad yn pyniasoh ruh ia ka jingpyllait ka pisa na ka bynta kane ka projek.
Ban lah ban peit ia ka jingpyntrei jong kane ka projek, lah ban sdang ia kawei ka komiti ba kynthup ia ki ophisar na ka tnat Petroleum & Natural Gas, ka tnat Expenditure, ka tnat Development of North East Region, ka tnat Environment, Forest & Climate Change bad ka tnat Fertilizers. Kane ka komiti kan peit na ka por sha ka por ia ka jingpyntrei ia kane ka projek bad kan shim ia ki sienjam ban pyniaid beit ia ki kam ki jam.
Kane ka pipeline kan long kaba 1656 KM bad ka projek kan kot dor haduh T 9265 klur. Katkum ka plan, yn shna ia ka Gas Pipeline Grid ha ki phra tylli ki jylla ka thain shatei lam mihngi ba kynthup ka Arunachal Pradesh, Assam, Manipur, Meghalaya, Mizoram, Nagaland, Sikkim bad ka Tripura.
Ka Capital Grant kan wanrah ia ka natural gas sha ki nongthied bapher bapher kum ki karkhana, ki PNG (Domestic), ki CNG (Transport) lem bad kiwei kiwei bad kan iarap ban pynkylla noh na ka jing hap shaniah ha ki umphniang. Kane ka pipeline grid kan wanrah ia ka jingthikna bad ka jingioh natural gas bym kut sha ki nongthied katba ka don ka jingduna ha kane ka liang mynta na kid aw bapher bapher ha katto katne ki jaka ha ka ri.
Ka jingdon jong ka natural gas ha kane ka thain kan kyntiew ia ki karkhana khlem da don jingktah eiei ia ka Mei Mariang bad kan wanrah ia ka jingbha ha ka jingim jong ki briew da kaba pyndonkam ia ka natural gas kaba long kaba khuid.
Ka jingmyntoi ha ka imlang sahlang bad ia ka mariang, Kan wanrah ia ka jingkiew ki karkhana ha ka thain shatei lam mihngi kata ha ki jylla Arunachal Pradesh, Assam, Manipur, Meghalaya, Mizoram, Nagaland, Sikkim and Tripura.
Kan wanrah ia ka jingduna ban pyndonkam ia ka umphniang sharak, ki dieng bda kiwei kiwei kaban wanrah ruh ia ka jingbha ia ka Mei Mariang ha ka thain. Kan kyntiew ia ka rukom im jong ki briew ka thain.
Kan kyntiew ia ki kam ban wad bad pynmih ia ka natural gas bad kan pyniasoh ia ki jaka pynmih natural gas kiba don ha ka thain sha kane ka pipeline khnang ban pynkylla spah ia ka natural gas ba don ha ka thain.
Kan wanrah ka jingplie lad ban plie ia ki jaka thep LPG ha ka thain khnang ban pynduna ka jinglut ban pynkit ia kine na kiwei kiwei ki jaka. Ka jingioh LPG khlem da don ka jingduna kan long kaba thikna ha kane ka thain.
Ka jinglong jingman:Ban wanrah ka ioh ka kot kaba shong nongrim ha ka gas bad ban pynthikna ka jingdon bynta ha ka ka kam bor ding jong ka ri, ka Sorkar ka la shim ia ki sienjam kum ka jingpynkiew ia ka jingpynmih ia ka gas ha India, ka jingshna ia ki jingdonkam kum ki pipeline, ki lad City Gas Distribution (CGD) bad ki jaka Re-gasified Liquefied Natural Gas (R-LNG) lem bad ka jingkyntiew ia ka iew gas da kaba plie lad ba ki briew kin iasoh bad ki kam ban ioh gas.
Indradhanush Gas Grid Limited (IGGL), kaba long ka kompani iatrei lang jong san tylli ki CPSE (IOCL, ONGC, GAIL, OIL and NRL) la wanrah ha ka 10.08.2018 ban shna bad pyntrei kam ia ka Natural gas pipeline grid ha ka thain shatei lam mihngi. Ka Petroleum & Natural Gas Regulatory Board (PNGRB) ka la ai bor ruh ia ka IGGL ha u 14.09.2018 ban sdang ia ka North-East Gas pipeline grid.
