New Delhi, Jylliew 19: Ka kynhun Myntri jong ka Sorkar Pdeng ba la khlieh da u Myntri Rangbah Duh mynta ka sngi ka la ai jingmynjur ia ki Minimum Support Price (MSP) na ka bynta baroh ki mar rep ba la ithuh hapoh ka thup Kharif na ka bynta ka samoi pyniaid iew2024-25.
Ka Sorkar ka la kyntiew ia ka MSP na ka bynta ki mar rep Kharif na ka bynta ka samoi pyniaid iew 2024-25, ban pynthikna ba ki nongrep ki ioh ia ka dor kaba biang na ka bynta ki mar rep jong ki.
Ka jingkyntiew kaba heh tam ia ka MSP haba ianujor bad u snem ba la dep ka dei na ka bynta ki oilseed bad pulses lane nigerseed (T.983/- shi quintal) ba bud da u sesamum (T.632/- shi quintal) bad tur/arhar (T.550/- shi quintal).
Ka iadei bad ka dor kaba kynthup ia baroh ki jinglut jingsep namar ka jingai bai bylla, ka jinglut na ka bynta ki masilur, ki kor, ka baiwai ia ka jaka ba shu wai, ka jinglut jingsep na ka bynta ki symbai, ki sboh, ki bai pynpoi um, ka jingduh ki mar rep bad ki jingshna ha ki jaka rep.
Ka sut na ka bynta ka bai pyntreikam, ka diesel / bor ding elektrik ban pyntreikam ia ki pump bad kiwei kiwei, ha ryngkat kiwei kiwei ki jinglut jingsep bad ka bai bylla haba trei hi da ki dkhot ka longiing.Ia ka jinglu tjingsep ym shym la pynkhreh la ka jong na ka bynta u kba (Grade A), Jowar (Maldandi) bad Cotton (Long staple)
Ka jingkyntiew ia ka MSP ia ki mar rep Kharif ha ka samoi pyniaid iew2024-25 ka iahap bad jingpynbna ha ka Mang Tyngka 2018-19 jong ka Sorkar Pdeng ban buh ia ka MSP kaba kumno kumno 1.5 shah jong ka ba ipynmih mar ha baroh kawei ka India.
Ia ka jingkyrmen ka jingiohnong ki nongrep kaba heh tam hadien ki jinglut jingsep jong ki ka dei ia u bajra (77%) ba bud da u tur (59%), riewhadem (54%) bad urad (52%). Ia ki mar rep ba sah pat, la antad ba ka jingiohnong ia ki nongrep hadien ki jinglut jingsep kan long 50%.
Ha kine ki snem ba la dep, ka Sorkar ka la pynshlur ia ka jingrep ia ki mar rep, ba lait na ki cereal kum ki shana dai bad oilseed, bad Nutri-cereals/ Shree Anna, da kaba ai ka MSP kaba kham heh na ka bynta kine ki mar rep.
Hapdeng u 2003-04 bad 2013-14 na ka bynta 14 jait ki mar rep kiba hap hapoh ka samoi pyniaid iew ia ki mar rep Kharif, ka jingkyntiew MSP kaba duna tam ka long T.745/- shi quintal ia u Bajra bad kaba bun tam ka long T.3,130/- shi quintal ia u Moong katba hapdeng u 2013-14 haduh 2023-24, ka jingkyntiew MSP kaba duna tam ka long T.780/- shi quintal ia u riewhadem bad kaba bun tam ka long T.4,234/- shi quintal ia u Nigerseed.
Hapdeng u 2004-05 haduh 2013-14, ka jingthied ia ki 14 jait ki mar rep kiba hap hapoh ka samoi pyniaid iew ia ki mar rep Kharif ka long 4,675.98 Lak Metric Ton (LMT) katba hapdeng u 2014-15 bad 2023-24, ka jingthied ia kine ki mar rep ka long 7,108.65 LMT.
Katkum ka 3rd Advance Estimates jong ka jingpynmih mar na ka bynta u 2023-24, baroh ka jingpynmih mar bam ha ka ri la antad ban long 3288.6 Lak Metric Ton (LMT), bad ka jingpynmih oilseed ka la jan poi sha 395.9 LMT.
Ha u 2023-24, ka jingpynmih ha ka samoi kharifia u kba, ki shana dai, oilseeds bad nutri-cereals/Shree Anna bad cotton ka dei kaba la antad ha ka 1143.7 LMT, 68.6 LMT, 241.2 LMT, 130.3 LMT bad 325.2 Lak bale.
